Баскетболдан Қазақстан құрамасы Азия кубогіне жолдама алды
Баскетболдан Қазақстанның 16 жасқа дейінгі жасөспірімдер құрамасы Самарқан (Өзбекстан) қаласында өткен CABA іріктеу турнирінде жеңіске жетіп, Азия кубогіне жолдама алды
Қазақстан жасөспірімдері әуелі Қырғызстан құрамасын 97-42 есебімен жеңсе, шешуші ойында Өзбекстанның 16 жасқа дейінгі жасөспірімдерінен 91-47 (32-13, 20-16, 24-8, 15-10) есебімен басым түсті, деп хабарлайды Almaty-akshamy.kz Elorda.info сайтына сілтеме жасап.
Қазақстан U16 құрамасы CABA аймағына берілген жалғыз жолдамаға ие болды. Азия кубогінің финалдық кезеңі 17-24 қыркүйек аралығында Доха (Катар) қаласында өтеді.
Турнир нәтижелері:
1-орын: Қазақстан U 16
2-орын: Өзбекстан U 16
3-орын: Қырғызстан U 16
Сондай-ақ жеңімпаз командалар арасынан үздік ойыншылар анықталды:
Әлішер Мұратұлы - Қазақстан U 16
Амир Рустамов - Қырғызстан U 16
Гулбани Зураб – Өзбекстан U 16
