Атыраулық әйел екі сәбиін сатып жіберген
Сотқа дейінгі тергеп-тексеру басталды
Атыраулық әйел 2021 және 2022 жылы туған сәбиін сатып жіберген, деп хабарлайды Almaty-akshamy.kz Polisia.kz-ке сілтеме жасап.
"Атырау облысы полиция департаментінің Ұйымдасқан қылмысқа қарсы іс-қимыл басқармасының қызметкерлері жедел іздестіру шараларын жүргізу барысында 2021 және 2022 жылы туған сәбилерін сатқан БҚО-ның 1991 жылғы тұрғынын анықтады", - делінген хабарламада.
Аталған дерек бойынша ҚК-тің 135-бабы 1-бөлігімен сотқа дейінгі тергеп-тексеру басталды.
Күдікті анықталып, қазіргі уақытта тергеу әрекеттері жүргізілуде. Өзге ақпарат ҚПК-нің 201-бабына сәйкес жариялануға жатпайды.
