Алматыда «Тең қоғам» мүгедектерді әлеуметтік қолдау орталығының филиалы ашылады
Әуезов аудандық мүгедектер қоғамы 1988 жылы құрылған.
«Үміт» саңырау мүгедектерді қолдау орталығы» қоғамдық қоры «Намыс» жоғары білімді мүгедектер қоғамдық бірлестігімен бірлесе отырып, Әуезов ауданындағы «Тең қоғам» мүгедектерді әлеуметтік қолдау орталығының филиалын ашады, деп хабарлайды Almaty-akshamy.kz.
Қазір елімізде 670 мыңнан астам мүмкіндігі шектеулі жан, Алматы қаласында 56 мыңнан астам мүмкіндігі шектеулі жан тұрады.
Мүгедектер арасында оларды қоғамға тиімді бейімдеу үшін психологиялық, құқықтық қолдау, тұрмыстық, әлеуметтік және қаржылық дағдыларға оқыту қажет.
Алматыда Жандосов, 69 мекенжайында Әуезов ауданында мүмкіндігі шектеулі жандарды әлеуметтік қолдау орталығының бөлімшесі ашылып жатыр.
Бұл Орталықта мүгедектер құқықтық, психологиялық, әлеуметтік-педагогикалық, білім беру және басқа да мәселелер бойынша ақпараттық, консультациялық және ресурстық қолдау ала алады;
Ұйым туралы қысқаша мәлімет. «Үміт» мүгедектерді қолдау орталығы 1997 жылы естімейтін азаматтардың күнделікті өмірде де, қоғамдық өмірде де кездесетін мәселелерін шешуге көмектесу үшін құрылған.
«Намыс» жоғары білімі бар мүгедектердің қоғамдық бірлестігі 2002 жылы құрылған, негізгі міндеті мен мақсаты инклюзивті білім беруді, сондай-ақ барлық инфрақұрылымға қолжетімділікті қамтамасыз ету және дамыту болып табылады.
Әуезов аудандық мүгедектер қоғамы 1988 жылы құрылған, тірек-қимыл аппараты мүгедектерінің басын біріктіріп, бос уақытын қамтамасыз ету, әзірленген жоспар аясында іс-шаралар, спартакиада, бұқаралық іс-шаралар өткізу.
