Алматыда танымдық ITM Fest 2023 фестивалі өтеді

2023 жылдың 18 тамызында сағат 14:00-де ITeachMe қоры Алматы қаласының тұрғындары мен қонақтарын Абай даңғылы, 90, Алматыбасжоспар мекен-жайы бойынша өтетін қызықты, танымдық, жарқын ITM Fest 2023 фестиваліне шақырады.

Фестиваль бағдарламасы әр қатысушыға қызықты уақыт өткізуге мүмкіндік береді. Қонақтарды робототехника, мобилография, STEM және эко-воркшоптар, арт-терапия және киізбен жұмыс істеу дағдылары бойынша үздік оқытушылардан шығармашылық шеберлік сыныптары күтеді, сондай-ақ тоғызқұмалақта ойнау дағдыларын игеріп, актер рөлінде өзіңізді сынап көре аласыз.

Бағдарламаның әр бөлігі кез-келген қатысушының талғамына арналған. Іс-шараның маңызды бөлігінен басқа, қонақтарды спикерлерден мотивациялық баяндамалар күтеді. Өмірлерінде сынақтар кездессе де, қасқайып, қарсы тұрып, өзінің өмірлік ұстанымын жоғары ұстаған жандардың өмірлік құпияларын естиді.

Күні бойы фестиваль қонақтары өнер көрмесін тамашалай алады және суретшілердің көз алдында бақыттың қандай болатынын көре алады. Іс-шараның соңында әрбір келуші ашық аспан астындағы фильмді бірге көруге қосыла алады.

Мерекелік іс-шараның екінші күнінің соңғы бөлігі Инклюзивті ортаны қалыптастыруға бағытталған жыл сайынғы "Дөңгелектердегі Квест" болады. Арбалары бар ата-аналар, велосипедшілер, мүгедектер арбасындағы балалар, скейтбордшылар, жылдамдыққа, тапқырлыққа және шығармашылыққа сайысқа түседі.

Фестиваль Алматы қаласы әкімдігінің қатысуымен өткізіледі. Фестивальдің егжей-тегжейлі бағдарламасымен танысуға, сондай-ақ ресми бетте міндетті тіркеуден осы сілтеме арқылы өтуге болады http://itmfest.tilda.ws/