Алматыда тағы екі бағыттың автобустары жаңартылды
Алматыда 9 ақпаннан бастап қала маңына қатынайтын екі маршруттың жылжымалы құрамы жаңартылды. Бұл «Спорт сарайы-«Пионер» тау курорты» бағытындағы №209 және «Спорт сарайы-«Оi-Qaragai» тау курорты» бағытындағы № 210 бағыт.
«Газель» автобустары «Yutong» маркалы орташа сыйымдылықтағы төмен еденді тоғыз метрлік автобустарға ауыстырылды. Автобустар заманауи құрылғылармен жабдықталған, оның ішінде кондиционер, бейнебақылау және т.б. бар. Жалпы сыйымдылығы - 52 орын, оның ішінде 22 орынға отырып, 29 адамға дейін тұруға болады.
Автобустардың жоспарлы саны №209 – 2 жылжымалы бірлік, №210 – 5 бірлік. Бұл ретте, бұрынғы автобустар парктің резервтік құрамына енгізіледі.
