Алматы әкімдігі ҚР Тәуелсіздігінің 30 жылдығын мерекелеу аясында БАҚ арасында байқау жариялады
Алматы әкімдігі ҚР Тәуелсіздігінің 30 жылдығын мерекелеу аясында БАҚ арасында байқау жариялады
Әр номинация бойынша жеңімпаздар бағалы сыйлықтармен марапатталады.
Алматы қаласының әкімдігі Қазақстан Республикасы Тәуелсіздігінің 30 жылдығын мерекелеу аясында бұқаралық ақпарат құралдарының өкілдері арасында мегаполисті дамыту тақырыбын үздік жариялауға конкурс өткізетіндігін хабарлайды. БАҚ қызметкерлері күніне орай қорытынды жасалады, деп хабарлайды Almaty-akshamy.kz.
Ағымдағы жылы, оның ішінде қаланың пандемиямен жалғасып жатқан күресін ескере отырып, келесі номинациялар анықталды:
«Тәуелсіздік кезеңіндегі Алматының дамуы туралы үздік материал»;
«Алматы-2050" Стратегиясы аясында жаңа жүйелі шаралар мен мегаполистің даму қарқыны туралы үздік сараптамалық материал»;
«Пандемия кезіндегі алғы шептегі жұмыс туралы үздік материал (дәрігерлер мен медицина қызметкерлері, полиция қызметкерлері және т. б)»;
«Әлеуметтік жобалар туралы үздік материал (Халықты әлеуметтік қолдау шараларын көрсету, волонтерлер жұмысы, Жұмыспен қамту және т. б)»;
«Халықты COVID-19-ға қарсы вакцинациялаудың маңыздылығы туралы ең жақсы материал»;
«Пандемиямен күресудің нақты тарихы туралы ең жақсы деректі / авторлық материал".
Конкурста ағымдағы жылдың басынан бастап БАҚ-та жарияланған әртүрлі форматтағы материалдар (жаңалықтар сюжеттері, мақалалар, талдамалық материалдар, репортаждар, бейнероликтер, фоторепортаждар және т.б.) қаралатын болады. Әр номинация бойынша жеңімпаздар бағалы сыйлықтармен марапатталады.
Конкурсқа қатысу үшін материалдарды ағымдағы жылдың 13 маусымына дейін қоса алғанда өңірлік коммуникациялар қызметінің электрондық мекенжайына жіберу қажет: info@rsk.almaty.kz, slv-group.kz@mail.ru «конкурсқа қатысу үшін» белгісімен. Өтінімдерді редакция немесе автор атынан беруге болады. Бір автор бірден бірнеше номинацияға қатыса алады, бірақ бір номинацияда 3 материалдан аспайды. Байқау жұмыстары мемлекеттік және орыс тілдерінде қабылданады.
Нәтижелерді медиа және журналистика саласындағы тәуелсіз сарапшылар кіретін арнайы байқау комиссиясы шығарады.
Сұрақтар бойынша, келесі нөмірлер бойынша байланысуға болады:
+7 (708) 973 46 55, +7 (708) 970 75 48.
