Алдағы күндері Қазақстанның кей өңірлерінде 10 градус аяз болады
Суық антициклон Қазақстан аумағының басым бөлігіне өз әсерін тигізеді.
«Қазгидромет» мамандары 29 қыркүйек-1 қазан күндері аралығында ауа райы қандай болатынын болжады, деп хабарлайды Almaty-akshamy.kz.
Синоптиктердің болжамы бойынша, жаңа жер аудандарынан жылжыған суық антициклон Қазақстан аумағының басым бөлігіне өз әсерін тигізеді, осыған байланысты түнде ауа температурасы төмендейді және елдің солтүстік аудандарында жауын-шашын тоқтайды.
«Солтүстік-батыстан жылжыған циклонмен тек республиканың батысында ауа температурасының біртіндеп жоғарлауна әкеледі. Жалпы республика бойынша: солтүстік жартысында – тұман, желдің күшеюі, елдің оңтүстік-батысы мен оңтүстігінде шаңды дауыл болады деп күтіліп отыр»,- делінген «Қазгидромет» мамандарының хабарламасында.
Қазақстанның солтүстігінде, шығысында және орталығында түнгі ауа температурасы 3-10 градус аязға дейін, күндіз 0-5 градус жылыға дейін төмендейді, оңтүстікте күндіз 13-23 градус жылы, оңтүстік-шығыста 5-13 градус жылы, тек республиканың батысында күндіз термометр бағандары 17-30 градусқа дейін жылыны көрсетеді.
