Әлеуметтік қорғау қызметкерлері тренингтен өтті
Оқуға Алматы, Шығыс Қазақстан, Қарағанды және Түркістан облыстарынан, сондай-ақ Алматы және Шымкент қалаларынан 104 маман қатысты.
Үш күндік тренингті онлайн түрде 2 ұлттық сарапшы-жаттықтырушы, ҚММУ қауымдастырылған профессорлары Лариса Мациевская мен Анна Кнаус өткізді, деп хабарлайды Almaty-akshamy.kz ҚР Еңбекминінің баспасөз қызметіне сілтеме жасап.
ҚР Еңбек және халықты әлеуметтік қорғау министрлігі және БҰҰ Балалар қоры (ЮНИСЕФ) әлеуметтік қорғау және денсаулық сақтау саласының мамандарына АИТВ және басқа да созылмалы аурулармен (БЦСА, аутизм, қант диабеті) өмір сүретін балалары/жасөспірімдері бар отбасыларға психоәлеуметтік сүйемелдеу қызметтерін көрсету бойынша тренинг өткізді.
«Тренинг мақсаты – АИТВ және басқа да созылмалы аурулары бар балалар мен жасөспірімдерге қатысты алдын алу мен емдеудің заманауи стандарттары мен қағидаттарын енгізу. Бүгінгі біздің басты міндетіміз – жұмыспен қамту орталықтары, ЖИТС алдын алу және оған қарсы күрес жөніндегі орталықтар, алғашқы медициналық-санитарлық көмек ұйымдары мамандарының және белсенді ата-аналардың/қамқоршылардың АИТВ, қант диабеті, балалардың церебралды сал ауруы және аутизммен өмір сүретін балалар мен жасөспірімдерді психоәлеуметтік қолдау мәселелері бойынша және олардың ата-аналарының/қамқоршыларының және олардың ата-аналарының/қамқоршыларының білімдерін кеңейту және дағдыларын арттыру», - деп атап өтті Еңбекмині және ЮНИСЕФ бірлескен жобасы аясында құрылған жобалау орталығының басшысы Данияр Нұрпейісов.
Оқыту барысында жаттықтырушылар әлеуметтік қорғау және денсаулық сақтау жүйелеріндегі мамандарды созылмалы аурулары бар балалардың өзекті мәселелерін анықтаудың базалық қағидаттарына және олардың өмір сүру сапасын арттыру бойынша ықпалдастырылған тәсілдерге үйретті. Бұл нәтижеге қол жеткізу үшін психоәлеуметтік қолдаудың 10 ұлттық стандарты, соның ішінде кейс-менеджмент технологиясы қолданылды.
«АИТВ және басқа да созылмалы аурулармен өмір сүретін балалар мен жасөспірімдерді табысты әлеуметтендіру – мемлекеттің маңызды міндеті. Бұл бағыттағы жұмыс осы аурулардан зардап шегетін жас қазақстандықтардың өмір сүру сапасын арттыруға ықпал етеді, оларға қоғам өміріне ықпалдасуға мүмкіндік береді», – деп атап өтті Еңбекмині Әлеуметтік қызметтер саясатын дамыту департаментінің орынбасары Сырым Нәси.
