Қытай зиянды қалдықтарды сата бастайды
Қытай билігі зиянды қалдықтарға квота сату жүйесі іске қосылғанын хабарлады.
Сарапшылар қоршаған ортаның ластануына арналған рұқсаттың көбеюі ғаламдық жылынумен байланысты проблеманы күшейтеді деп қорқып отыр, деп хабарлайды Almaty-akshamy.kz Lenta.ru сайтына сілтеме жасап.
Қалдықтарды есепке алудың жалпыұлттық жүйесі (ETS) шілде айында Шанхай қоршаған орта және энергетикалық биржасында (SEEE) жұмыс істей бастайды. Бастапқыда бұл бастама республикада өндірілетін парниктік газдың жартысына жуығын құрайтын энергетика саласындағы екі мыңнан астам ұйымды қамтиды.
Үкімет әрбір электр станциясына жылына белгілі мөлшерде көмірқышқыл газының қалдығын шығаруға құқық береді. Егер компания «таза» жұмыс істесе, оның пайдаланылмаған ластау құқығы (немесе квота) сатылуы мүмкін. Айналаға келтіретін экологиялық зиянды азайта алмайтын кәсіпорындардың қосымша квота сатып алуына тура келеді. Экология және қоршаған орта министрінің орынбасары Чжао Иньминнің айтуынша, жүйенің пилоттық нұсқалары Қытайдың бірқатар провинцияларында сынақтан өтіп үлгерген.
«СО2 қалдықтарының тоннасы әзірше шамамен 6,18 долларға бағаланып отыр. Бізге Қытайдың көміртегі бейтараптылығына қол жеткізуге деген табандылығын көрсету үшін, қалдықтарды азайтуға міндеттелген кәсіпорындарға оң белгі беру үшін ақылға қонымды баға қажет», - деді ресми өкіл.
Сарапшылардың бағалауы бойынша, қалдықтарды сату квотасы кері әсер етуі мүмкін. Қазірдің өзінде онсыз да көміртекті көп қажет ететін кәсіпорындар қоршаған орта үшін бұрынғыдан да қауіптірек. SEEE болжамына сәйкес, ластануды бақылаудың жаңа нарығы әлемдегі ең ірі нарыққа айналады және нәтижесінде ҚХР-да шамамен он мыңға жуық кәсіпорнынды қамтиды, олардың көмірқышқыл газы бес миллиард тоннаға жетеді.
Шілденің басында «Frontiers» ғылыми порталында жарияланған жаһандық жылынудан адамзатқа төнетін қауіптер туралы жаңа зерттеуде ғалымдар Қытайдың Пекин, Шанхай және Хандан қалалары ластану тұрғысынан өмірге ең қауіпті екенін анықтады. Бұл қалалар бір адамға шаққандағы СО2 концентрациясы ең жоғары елді мекендер рейтингінің алғашқы 25-іне кіреді.
