Жетісу облысында жаңбыр жауып аулаларды су басуы мүмкін
Қазгидромет РМК-ның ауа райы болжамына сәйкес, алдағы күндері Жетісу облысында ауа температурасы +3 градусқа дейін көтеріліп, қар аралас жаңбыр жауып, көктайғақ, бұрқасын жел болады, тұман түседі.
Осыған байланысты, Жетісу облысының ТЖД баспасөз қызметі ескерту жариялады.
ТЖД ескертеді:
су айдындарында мұз қабаты жұқарып, өзендердегі су деңгейінің көтерілуі ықтимал;
таулы аймақтарда қар жамылғысының тұрақсыз жағдайына байланысты қар көшкіні жүруі мүмкін;
елдімекендерде жауын-шашынның түсуі, қардың қарқынды еруіне байланысты аула аумақтарын су басуы мүмкін.
Төтенше жағдайлардың алдын алу мақсатында азаматтарға тағы мыналар ескертіледі:
үйлердің жанында орналасқан арықтар мен су өткізетін арнаны уақытылы тазарту;
балаларды су айдындарына бақылаусыз жібермеу, мұзда, тік және шайылған жағалауларда болу қаупі туралы ескерту;
қарлы тау беткейлеріне шықпау;
ауа-райының өзгеруін қадағау және "112" дауылды ескертуі хабарламасын алған кезде, елдімекендерден тыс жерлерге сапарламау ұсынылады.
