Жанармайды елден әкетуге жол бермеу үшін екі өңірде рейд жүргізілуде
Рейдті 10 сәуірден бастап Жамбыл және Түркістан облыстарында ішкі істер органдары көліктік бақылау инспекциясымен бірлесіп қолға алған.
Бұл туралы Almaty-akshamy.kz Polisia.kz-ке сілтеме жасап хабарлайды.
Полиция қызметкерлері тиісті рұқсатсыз қосымша жанармай бактарын орнатып алған көліктерге баса назар аударады.
«Бұл құқықбұзушылық үшін ҚР Әкімшілік құқықбұзушылық туралы кодекстің 590-бабы 7-бөлігі бойынша әкімшілік жауапкершілік қарастырылады (Тиісті рұқсатсыз қайта жабдықталған көлік құралын басқару). Іс-шараның үш күнінде осындай құқық бұзушылықтар жасағаны үшін 57 жүргізуші жауапқа тартылды, 21 әкімшілік материал бойынша көлік құралдарын одан әрі пайдалануға тыйым салынды», - делінген мәліметте.
