Тимур Құлыбаев ірі мұнай трейдеріндегі үлесінен бас тартты
Құлыбаевтың мұндай шешім қабылдауына не себеп болғаны айтылмады.
Қазақстандық кәсіпкер Тимур Құлыбаев қытайлық CNPC компаниясының бақылауындағы мұнай және мұнай өнімдерінің ірі трейдері «Petrosun» ЖШС-дегі 49% үлесін мемлекеттік энергетикалық компанияға тапсырды. Бұл туралы ҚР Премьер-Министрінің бірінші орынбасары Роман Скляр мәлім етті, деп хабарлайды Almaty-akshamy.kz Inbusiness.kz сілтема жасап.
Скляр Құлыбаевтың мұндай шешім қабылдауына не себеп болғанын айтпады.
Ескере кететін жайт, «Petrosun» ЖШС қазақстандық мұнайдың басым бөлігін нарыққа шығарар алдында сатып алып, өңдеумен айналысады.
