Тауда көшкін жүруі мүмкін
55 учаскеде көшкін қаупі бар.
Алматы облысының төтенше жағдайлар департаменті тауда қар көшкіні жүруі мүмкін екенін ескертті, деп хабарлайды Almaty-akshamy.kz
Төтеншеліктер 4 желтоқсанда қала тұрғындарына, туристтер мен демалушыларға арнап үндеу жариялады.
"Алматы облысының тауларында 2023 жылғы 5 желтоқсан мен 8 желтоқсан аралығында көшкін қаупі сақталады. ТЖД азаматтардан, туристерден және демалушылардан қар көшкінін тудыруы мүмкін болғандықтан қарлы беткейлерге шықпауды, сондай-ақ таулы жерлерде барлық қауіпсіздік пен мінез-құлық шараларын сақтауды сұрайды", – делінген хабарламада.
Ведомство өкілдерінің мәліметінше, Алматы облысының аумағында Іле-Алатау тауларының оңтүстік беткейінде Еңбекшіқазақ, Талғар және Қарасай аудандарында 55 көшкін қаупі бар учаске бар.
"Негізінен қар көшкінінің түсуі температура фонының жоғарылауына және жаңбыр мен қар түрінде мол жауын-шашынның түсуіне байланысты болады", – дейді төтеншеліктер.
