Су добынан Қазақстан құрамасы халықаралық турнирдің жеңімпазы атанды
Жарысқа Еуропа мен Азия елдерінен 12 команда қатысты.
Су добынан Қазақстан құрамасы Сербияда өткен халықаралық турнирдің жеңімпазы атанды, деп хабарлайды Almaty-akshamy.kz
«Бече қаласында өткен жарысқа Еуропа мен Азия елдерінен 12 команда қатысты. Біздің спортшылар Испания, Германия, Сербия және т.б. мемлекеттерден барған қарсыластарынан басым түсті. Ал ұлттық құрама капитаны Егор Белоусов турнирдің үздік ойыншысы атанды.
Жас спортшыларымызды осы жеңісімен құттықтаймын және оларға сәттілік тілеймін. Сондай-ақ, қажырлы еңбектің арқасында осындай жетістікке жеткен жаттықтырушылар штабын да құттықтаймын.
Қазақстанда су добы спортының әлеуеті зор және Мәдениет және спорт министрлігі елімізде осы спорт түрін одан әрі дамыту үшін жұмыс жүргізетін болады», - деп жазды министр өзінің Фейсбук парақшасында.
