Ресейде жарылғыш жасайтын цех өртеніп, бірнеше адам қаза тапты
Қайғылы жағдайға байланысты тергеу басталды
22 қазан күні таңертең Рязань облысында жарылғыш зат өндіретін «Разряд» компаниясының цехында өрт болды. Соңғы мәліметтер бойынша, өрт салдарынан 15 адам көз жұмды, деп хабарлайды аlmaty-akshamy.kz
Шилов ауданы Лесное кентіндегі бұл оқиғаға қатысты ақпарат Төтенше жағдайлар министрлігіне Мәскеу уақытымен сағат 08:22 кезінде хабарланды.
Өрт бір қабатты цехта болған және онда жарылғыш зат сақталған. Өрт 160 шаршы метр ауданда ауыздықталып, қазіргі кезде қызыл жалын сөндірілді. Белгілі болғандай, цех ғимараты толықтай қирап, опырылып түскен.
Тек жекелей құрылыстар ғана өрт салдарынан бұзылмаған. Рязань облысының билігі 15 адамның қаза болғанын растады. Қайғылы оқиға бойынша РФ Тергеу комитеті тексеруді бастап кетті.
Ғимаратында өрт болған «Разряд» ЖШҚ өнеркәсіптік жарылғыш зат шығаруға маманданған. Сонымен қатар кәсіпорын оқ-дәріні утилизациялаумен айналысып келді.
