Ресейде коронавирус жұқтырғандардың саны күрт өсті
Осыған орай, жаппай вакцинациялау қолға алынды.
Бір аптада 1700-ден астам адамнан індет анықталған. 52 өңірде науқас саны көбейген, деп хабарлайды Almaty-akshamy.kz.
Осыған дейін тіркелген штамдар мутацияға ұшырап, жаңа вирустың 10-нан астам түрі анықталды. Оның ішінде «эрис» штамы жылдам тарауда. «Белгілері тұмауға ұқсас», - дейді мамандар.
«Коронавирус басталғалы 400 мыңға жуық тұрғын көз жұмды. Бүгінгі күні індет қайтадан күшейді. Әсіресе Мәскеу мен Санкт-Петербург қалаларында жұқтырғандар көп. Сондықтан қолда бар вакциналардағы антигендерді өзгерту керек. Бұл жұмыспен мамандар айналысып жатыр», - дейді инфекционист-дәрігер Геннадий Онищенко.
