Президент көмекшісі болып Ернар Баспаев тағайындалды
Ернар Баспаев бірден екі лауазымға тағайындалды.
Ернар Баспаевты Мемлекет басшысының көмекшісі әрі Президент Әкімшілігінің Өтініштерді қарауды бақылау бөлімінің меңгерушісі лауазымына тағайындау туралы Президент Жарлығы шықты, деп хабарлайды Almaty-akshamy.kz Ақорданың ресми сайтына сілтеме жасап.
«Ернар Жеңісұлы Баспаев Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымына тағайындалсын», - делінген Президент Жарлығында.
