Паралимпиада-2022: Александр Герлиц 54 млн теңгеге жуық сыйақы алады

Қазақстандық Александр Герлиц 2022 жылғы қысқы Паралимпиада жарыстарындағы ойындарын аяқтады, деп хабарлайды Almaty-akshamy.kz  Zakon.kz-ке сілтеме жасап.

Александр Герлиц үшін қысқы Паралимпиада-2022-дегі бұл бақ сынаған соңғы жеке жарысы болды.

Әу, бастан көшбасшылық тізгінін жарыс иелері - қытайлық паралимпиадашылар мықтап ұстап, ешкімді алға жібермеді. Олар бірінші және үшінші орындарды иеленді. Француз шаңғышысы жеңіс тұғырының екінші сатысына көтерілді.

Осы Паралимпиадада биатлоннан қола медаль иеленген қазақстандық Александр Герлиц шаңғы жарысында өз жетістігін қайталау үшін бар күшін салды, алайда ол құрметті V-орынға ие болды.

Бұл жоғары нәтиже Александрға Паралимпиада ойындарында өнер көрсеткені үшін берілетін жүлде сомасын 105 мың долларға дейін (қазіргі бағам бойынша шамамен 54 млн теңге) ұлғайтуға мүмкіндік берді.

Паралимпиаданың қола медалі үшін Герлиц 75 мың доллар сыйақы алады, спринтте шаңғы жарысынан V-орын, 12,5 шақырымдық биатлон және 12 шақырымдық шаңғы жарыстары үшін әрқайсысына тағы 10 мың доллардан алады.