Отпен ойнаудан 200-ден астам өрт шықты

2023 жылдың 10 айында ел бойынша барлығы 9 057 өрт тіркелді.

Оның ішінде балалардың отпен ойнауы себебінен 209 өрт болды немесе жалпы өрттің 2,31%, деп хабарлайды Almaty-akshamy.kz ТЖМ-нің ресми сайтына сілтеме жасап.

Көбінесе балалардың отпен араласуына байланысты өрттер балаларды ересектердің қарауынсыз қалдырған кезде пайда болады.

«Кішкентай көрермендердің қауіпсіздік мәдениетін арттыру үшін ТЖМ аумақтық бөлімшелері өз күштерімен мультфильмдер шығарады. Соңғы жылдары ТЖ кезінде қауіпсіз жүріс-тұрыс ережелері бойынша 10 мультфильм шығарылды.

Сонымен, назарларыңызға ТЖМ-нің әлеуметтік желілердегі ресми парақшаларында, сондай-ақ YouTube-арнада көруге болатын «Балалардың отпен ойнауы», «Отпен ойнама, балақай» мультфильмдерін ұсынамыз», - делінген ТЖМ хабарламасында.

ТЖМ азаматтарды тұрмыста келесі қауіпсіздік ережелерін сақтауға шақырады: 

Сіріңке мен тұтандырғышты балалардың қол жетпейтін жерде сақтаңыз. Егер қажет болса, балалар оларды биіктеу жерге қойсаңыз да алуы мүмкін.

Балаларға жалын деген ойыншық емес, ол  тамақ пісіріп, жылу беретін құрал екенін, мұны тек үлкен адамдар ғана пайдаланатыны екені туралы үйретіңіздер.

Балаларыңыздан сіріңке мен тұтандырғышты әперіп жіберуін сұрамаңыз. Балалар үлкендерге қарап, олардың ісін қайталайтынын ұмытпаңыз.

Кішкентай балаларыңызды олардың тауып алған сіріңкелері мен тұтандырғыштарын сіздерге қайтарып беруіне үйретіңіз әрі мұндай жауаптылық көрсеткін үшін оларды мақтап қою қажет.

Отпен ойнау салдарынан болған оқиғаларды назардан тыс қалдырмаңыз, атап айтқанда күйген киім, қалталарында жүрген сіріңкелер мен тұтандырғыштар.

Өрт хабарлағыштарын орнатып, оларды отбасы мүшелерімен бірге үнемі тексеріп тұрыңыз, қуат беретін батареясын ауыстырыңыз.

Балаларды өрт шыққан кезде үйден қалай эвакуациялау жоспарын дайындауға тартып, олармен бірге осы жоспарға сәйкес іс-қимыл жасауға жаттығыңыз.

Балаларды үнемі қадағалау қажет, оларды тіпті аз уақытқа да жалғыз қалдырмауға тырысыңыз.