Отандасымыз еркін күрестен әлем чемпионы болды
Оның әкесі - 2005 жылы Будапештте өткен әлем чемпионатының қола жүлдегері.
Қазақстандық Камиль Куруглиев еркін күрестен жасөспірімдер арасындағы әлем чемпионатында алтын медаль иеленді, деп хабарлайды Almaty-akshamy.kz Kazakhstan Wrestling сайтына сілтеме жасап.
17 жасқа дейінгі 92 келіге дейінгі чемпионат финалында Камиль венгр спортшысы Мұса Арсункаевпен кездесті. Қазақстандық палуан 11:00 есебімен жеңіске жетті.
Палуанның әкесі Магомед Куруглиев – 84 келіге дейінгі салмақта 2005 жылы Будапештте өткен әлем чемпионатының қола жүлдегері және Қазақстанның еңбек сіңірген жаттықтырушысы.
