Орталық сайлау комиссиясы алдағы саяси науқанға дайындықты бастайды
22 қыркүйекте Қазақстан Республикасы Орталық сайлау комиссиясының отырысы өтеді, деп хабарлайды Almaty-akshamy.kz.
Онда мына мәселелер қаралады:
- 20 қарашаға тағайындалған президенттің кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспарын бекіту;
- Шет мемлекеттер, халықаралық ұйымдар байқаушыларының, шетелдік БАҚ өкілдерінің қызметін ұйымдастыру;
- 20 қарашаға тағайындалған Қазақстан Президентінің кезектен тыс сайлауына дайындық кезеңінде сайлау комиссияларының мүшелерін және сайлау процесінің басқа да қатысушыларын оқыту.
Шара 22 қыркүйек сағат 11-ге белгіленген.
