Қос азаматтығы бар тұрғын елден шығарылды
Ол 2010 жылы Түркия Республикасының азаматтығын да алған.
Сот шешімімен ер адам осы бап бойынша кінәлі деп танылып, Қазақстаннан шығарылды, деп хабарлайды Almaty-akshamy.kz
Жамбыл облысында Меркі аудандық соты азаматқа қатысты республиканың азаматтық туралы заңнамасын бұзғаны үшін әкімшілік істі қарады.
2024 жылдың ақпан айында Қазақстаннан Қырғызстанға мемлекеттік шекараны кесіп өту кезінде шекарашылар ер адамның қос азаматтығы бар екенін анықтаған.
Белгілі болғандай, ол 2010 жылы Түркия Республикасының азаматтығын алып, заңмен белгіленген мерзімде шетел азаматтығын алу фактісі туралы хабарламаған.
Сотта ер адам өз кінәсін мойындап, Қазақстан Республикасының азаматтығынан айырылу қажет екені туралы білмегенін түсіндірді. Айыппұлды төлей алмайтындықтан, айыппұл салмауды өтінді.
ҚР ӘҚБтК-нің 496-бабы, 2-бөлігіне сәйкес шетел азаматтығын алу фактісі туралы заңнамада белгіленген мерзімде хабарламау 200 АЕК (738 400 теңге) мөлшерінде айыппұл салуға немесе Қазақстан Республикасынан әкімшілік жолмен шығарып жіберуге әкеп соғады.
Сот шешімімен ер адам осы бап бойынша кінәлі деп танылып, Қазақстаннан шығарылды.
Қаулы заңды күшіне енген жоқ.
