Көкөністер мен жемістерді қабығымен жеген дұрыс па?

Жемістер мен көкөністерді қалай қолданған дұрыс?

Көкөністер мен жемістерді қабығымен тұтыну, болмаса сыртын аршып жеу керек деген әңгіме үнемі айтылып жатады. Кейбіреулер алманы сыртымен жеген дұрыс деп жатса, енді біреулері керісінше пікірді ұстанып жатады. Диетолог-нутрициолог Ирина Мансурова осыған қатысты түсіндіріп өтті., деп хабарлайды Almaty-akshamy.kz.

«Жемістердің қабығы  - маңызды элемент. Сондықтан оны тастамаған дұрыс. Сонымен бірге, оның пайдасы мен ықтимал зияндылығына аса мән берген жөн», - деді маман «Аргументы и факты» басылымына берген сұхбатында.

Маманның айтуынша, қиярды қабығымен бірге жеген дұрыс, өйткені оның құрамында жасұнық, калий, бета-каротин және басқа да қоректік заттар көп. Олардың барлығы ас қорытуды, жүректің жұмысын жақсартады, сонымен қатар қан ұюының алдын алады және көруге мен сүйектерге оң әсер етеді.

Сонымен қатар, жүзім, қызанақ, лимон, сәбіз, баклажан, анар және әсіресе алманы қабығымен жеген пайдалы. Соңғы аталғандардың сыртында ерімейтін жасұнықтар мен С және А дәрумендері бар.

«Мұның бәрі жүрекке жағымды әсер етеді және аллергиялық белгілерді жоюға көмектеседі. Қабығы бар алма қандағы қантты қалыпқа келтіруге көмектеседі», - деп атап өтті Мансурова.

Дегенмен, барлық көкөністер мен жемістерді қабығымен бірге жеуге болмайды. Диетолог бұл тізімге жасыл қабығы мен дақтары бар картопты енгізді, өйткені мұндай тамыр дақылдарында соланин бар, соның салдарынан адам тіпті өлуі мүмкін. Манго да осы тізімде, бірақ оның қабығының зияндылығы үлкен

«Қалай болғанда да – сіз жемістің қабығын аршып тастайсыз ба, жоқ па – жемісті сумен жақсылап жуып, барлық ластаушы заттарды, сондай – ақ, оны өңдеген кезде қолданылуы мүмкін деген  химиялық қосылыстарды алып тастау керек», - деп қорытындылады маман.