Кенжехан МАТЫЖАНОВ, М.Әуезов атындағы Әдебиет және өнер институтының директоры: «Өзгерістен, дамудан, жаңарудан қорықпау керек»
– Бүгінгі өтіп жатқан референдумға бір кісідей қатысып, өзгеріске жаршы болу ниетімен жарқын болашағымыз үшін дауыс беру – әрбір қазақстандық азаматтың қастерлі парызы деп білемін. ҚР Президентінің «Жаңа Қазақстан» жобасы – Әділетті, Жаңғырған, Дамыған Қазақстан болады деген үміттемін. Ата заңға енгізілетін толықтырулардың да маңызы ерекше. Бүгінгі дауыс берген әрбір азаматтың жүрегіндегі үкілі үміті ол алдағы уақытта Қазақстан билігі жеке тұлғаның ықпалында болмасын деген тілек қана. Сондай-ақ Қазақстанның жер қойнауының байлығы, түрлі материалдық игіліктердің барлығы елдің жеке игіліне айналады деген сенімдеміз. Ең маңыздысы, мемлекетіміздің дамуын тежеп келе жатқан жемқорлық сынды дерттерге тиым салынса деген елдік талабымыз бар.
Ертеңгі өзгеріс бүгіннен басталады. Біздің мемлекетіміз өзгерістен, дамудан, жаңарудан қорықпау керек.
