Қазақстандық теннисші ITF W25 жарысының жартылай финалына шықты
Гөзал Айнитдинова әлемдік рейтингіде 434-орында келеді.
Қазақстандық Гөзал Айнитдинова жұптық сында Үндістанда өтіп жатқан ITF W25 жарысының жартылай финалына шықты, деп хабарлайды Almaty-akshamy.kz ҚазАқпаратқа сілтеме жасап.
Қазақстан теннис федерациясынан мәлім еткеніндей, Гөзал үндістандық Зил Десаимен бірге ширек финалда таиландтықтар Луксика Кумхум - Пеангтарн Плипуекпен ойнауы керек еді.
Әйтсе де олар кортқа шықпай қалды.
Алғашқы айналымда қазақстандық-үндістандық жұп жергілікті теннисшілерді тізе бүктірді - 6:1, 6:0.
Г.Айнитдинова мен З.Десайдың жартылай финалдағы қарсыластары кейін анықталады.
Қазақстандық теннисші әлемдік рейтингіде 434-орында келеді.
Еске сала кетейік, бұдан бұрын Александр Бубликтің Истборн турнирінің ширек финалына өткенін жазған болатынбыз. Сондай-ақ қазақстандық теннисші Сербиядағы ширек финалға шықты.
