Францияның Лион қаласында пәтерден шыққан өрт салдарынан кемінде 10 адам қаза болды
Францияның оңтүстік шығысында орналасқан Лион қаласында жұма күні көппәтерлі тұрғын үйде болған өрт салдарынан кемінде 10 адам қаза тапты, оның 5-уі бала. Аталған ақпаратты жұма күні Рона департаментінің префектурасы растады, деп хабарлайды Almaty-akshamy.kz Inform.kz-ке сілтеме жасап.
Өрт Лион қаласының маңындағы Вольс-ан-Велене елді мекеніндегі 8 қабатты тұрғын үйден жергілікті уақыт бойынша, таңғы сағат 03:01-де шыққан, деп хабарлады жергілікті әкімшілік өкілдері.
Префектура өкілдері өртпен күреске 170 өрт сөндіруші жұмылдырылғаннын хабарлады.
Өрттің шығу себебін анықтау бойынша тергеу жүріп жатыр.
