Ерекше қорғаудағы аумақтардан аң аулауға тыйым салынды
Бұйрық 2022 жылғы 22 қарашадан бастап күшіне енеді.
Атап айтқанда, ерекше қорғалатын табиғи аумақтарда әуесқой (спорттық) аңшылыққа тыйым салу енгізілді, деп хабарлайды Almaty-akshamy.kz
Экология, геология және табиғи ресурстар министрінің 2022 жылғы 4 қарашадағы бұйрығымен жеке тұлғалардың ерекше қорғалатын табиғи аумақтарды пайдалану қағидаларына өзгерістер мен толықтырулар енгізілді.
Дегенмен мұндай аймақтарда рұқсат етіледі:
әуесқой (спорттық) балық аулау;
қорықтың күзет режимі бар орындарын қоспағанда, осы үшін арнайы бөлінген жерлерде жабайы жемістерді, жидектерді, саңырауқұлақтарды, дәрі-дәрмектік шөптерді әуесқойлық мақсатта жинау, ара ұялары мен омарталар орналастыру, марал өсіру, бақ шаруашылығы;
арнайы бөлінген учаскелерде шөп шабу мен мал жаю мақсаттарында жол беріледі.
Бұл ретте, мемлекеттiк ұлттық табиғи парктер мен мемлекеттiк өңiрлiк табиғи парктердiң шектелген шаруашылық және туристік-рекреациялық қызметi аймақтарында және мемлекеттiк табиғи резерваттардың буферлік аймағында әуесқойлық (спорттық) балық аулауға жол берiлетiнi көрсетiледi.
