Еліміздің бірқатар өңірінде тұман, көктайғақ болады
Ауа райына байланысты ескерту жасалды.
"Қазгидромет" 24 желтоқсанда елдің 16 өңіріне ауа райына байланысты ескерту жасады, деп хабарлайды Almaty-akshamy.kz
Атырау облысының басым бөлігінде тұман, солтүстігінде, шығысында көктайғақ күтіледі.
Жетісу облысының Алакөл көлдері ауданында оңтүстік-шығыстан жел соғады,15-20, күндіз екпіні 25 м/с.
Батыс Қазақстан облысының солтүстігінде, шығысында қатты жауын-шашын (жаңбыр, қар). Облыстың батысында, солтүстігінде тұман, көктайғақ күтіледі. Оңтүстік-шығыстан, оңтүстіктен жел соғады, күндіз облыстың батысында екпіні 15-20 м/с.
Қызылорда облысының орталығында тұман күтіледі. Жел оңтүстік-шығыстан, оңтүстіктен соғады, күндіз облыстың шығысында күші 15-20 м/с күтіледі.
Маңғыстау облысының батысында, солтүстігінде, орталығында тұман күтіледі. Оңтүстік-шығыстан соғатын жел солтүстік-батысқа ауысады, түнде облыстың оңтүстігінде, батысында екпіні 15-20 м/с күтіледі.
Солтүстік Қазақстан облысының батысында, күндіз облыстың оңтүстігінде, шығысында көктайғақ күтіледі. Облыстың солтүстігінде, шығысында тұман күтіледі. Облыстың басым бөлігінде жолдарда көктайғақ күтіледі.
Ұлытау облысының солтүстігінде тұман күтіледі. Оңтүстік, оңтүстік-шығыстан жел соғады, күндіз облыстың солтүстігінде, шығысында екпіні 18 м/с күтіледі.
Ақтөбе облысының батысында, солтүстігінде көктайғақ күтіледі. Облыстың батысында, оңтүстігінде тұман күтіледі.
Абай облысының солтүстігінде, орталығында жаяу бұрқасын күтіледі. Жел оңтүстік-шығыстан, оңтүстіктен соғады, облыстың солтүстігінде, орталығында 15-20, екпіні 23 м/с.
Шығыс Қазақстан облысының батысында, орталығында жаяу бұрқасын күтіледі. Жел шығыстан, оңтүстік-шығыстан соғады, облыстың батысында, орталығында 15-20 м/с.
Қарағанды облысының солтүстігінде, шығысында тұман күтіледі.
Қостанай облысының солтүстігінде, батысында, шығысында көктайғақ күтіледі. Облыстың солтүстігінде, шығысында тұман күтіледі.
Түркістан облысының солтүстігінде, батысында, таулы және тау бөктерлі аудандарында оңтүстіктен, оңтүстік-батыстан жел соғады, күші 15-20 м/с.
Шымкентте оңтүстіктен, оңтүстік-батыстан жел соғады, екпіні 15-20 м/с.
Павлодар облысының батысында, солтүстігінде тұман күтіледі.
Жамбыл облысының оңтүстігінде, таулы аудандарында тұман күтіледі. Оңтүстік-шығыстан соғатын жел оңтүстік-батыс желіне ауысады, облыстың оңтүстік-батысында, солтүстік-шығысында, екпіні таулы аудандарында 15-20 м/с болады.
