Елімізде күзден бастап электр энергиясы қымбаттайды
Тарифті көтеру мәселесі жұмысшылардың жалақысы мен қордаланған проблемалары шешу қажеттілігінен туындап отыр. Қазіргі баға сапалы энергиямен қамтамасыз етуге мүмкіндік бермейді.
Жаңа баға инфляция деңгейінен жоғары болмауы тиіс. Яғни, 8 пайыздан аспайды, деп хабарлайды Almaty-akshamy.kz.
Ауыл-аймақтағы станциялардың көбі өткен ғасырдың 60-70-жылдары салынған. Сондай-ақ электр энергиясын өндіруге әсер ететін шығындар көбейіп келеді. Ал алдағы уақытта электр энергиясының тапшылығы да туындауы мүмкін.
«1 шілдеден бастап 26 энергия өндіруші ұйымда шекті тарифтер орта есеппен 4-12%-ға ұлғайды. Ал алдағы жылдың жылыту маусымында 1-1,5 млрд киловатқа дейінгі электр энергиясының тапшылығы болуы мүмкін. Егер мұндай мәселе туындаса, электр энергиясын көрші елдерден алуға мәжбүр боламыз», - деді ҚР Энергетика вице-министрі Жандос Нұрмағанбетов.
