Дәрігерлер дер кезінде көмек көрсетті
«Алматы – Ыстамбұл» бағытда алматылық дәрігерлер жолаушыға алғашқы медициналық көмек көрсетті, - деп хабарлайды almaty-akshamy.kz
Алматылық дәрігерлер Израильге (Тель-Авив) Ыстамбұл арқылы трансфермен оқуға жіберілген еді.
«Эйр Астана» әуе компаниясының Алматыдан Ыстамбұлға бағыт алған ұшағында жолаушылардың бірі өзін жайсыз сезінеді. Экипаж капитаны бортта медициналық қызметкерлердің бар-жоғын анықтаған.
«Алматыдан Тель-Авивке бағыт алған рейсте, жолаушының бағына орай, медициналық қызметкерлер болып шықты. Жедел медициналық көмек көрсету қосалқы стансасының дәрігері Мира Жүсіпбекова мен №5 қалалық перзентхананың дәрігері Динара Нарымбиеваның шұғыл әрекет етуінің арқасында жолаушыға алғашқы медициналық көмек көрсетіліп, қан қысымы қалпына келтірілді. Нәтижесінде жолаушы өз-өзіне келіп, сапарын жалғастырды», - деп атап өтті Алматы қалалық Денсаулық сақтау басқармасының «Жедел жәрдем» қызметі.
