Бүлдіршіндерге шеберлік сағатын өткізді
Жас бишілер би шеберлерінен үйреніп қана қоймай, кішігірім сыйлықтар алып қайтты.
Әйгілі хореография мэтрі Болат Аюханов жетекшілік ететін би театры жас бүлдіршіндерге арналған «Балалар – біздің болашағымыз» атты шеберлік сағатын ұйымдастырып, балапандарды қуантып қайтты, деп хабарлайды Almaty-akshamy.kz.
«Біз, мұндай тегін шеберлік сағаттарын үнемі өткізіп отырамыз. Бүгін ата-аналардың ұсынысымен би студияларына келіп, шеберлік сағатын өткіздік. Алғашында қалай сәлемдесетінін, одан кейін балеттің алғашқы қадамдарына жетелейтін аяқ, қол позициясының қозғалыстарын көрсеттік. 3-4 жас аралығындағы балаларды классикалық биге баулу өте қиын», – деді ҚР ГАТТ балет-тәлімгері Айжан Қарымбаева.
