Бүгін 4 қалада жайсыз метеорологиялық жағдай қалыптасады
Атмосфералық ауаның сапасы нашарлауы ықтимал.
«Қазгидромет» РМК-ның болжамы бойынша бүгін Қазақстанның 4 қаласында жайсыз метеоролоиялық жағдай қалыптасып, ауа сапасы нашарлайды, деп хабарлайды Almaty-akshamy.kz.
«9 қазанда Нұр-Сұлтан, Ақтөбе, Қостанай және Орал қалаларында қолайсыз метеорологиялық жағдайлар күтіледі», - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
