Биылғы күз жылы болады
Мамандардың болжауынша, жел соғатын жаңбырлы күндер де, жылы күндер де бар.
«Қазгидромет» РМК Қазақстанда күздің қандай болатынын айтты, деп хабарлайды Almaty-akshamy.kz.
Күздің алғашқы екі айында республиканың басым бөлігінде ауа температурасы нормадан 1-2° жоғары болады деп болжанды.
Қарашада республиканың басым бөлігінде жылы болады. Тек Батыс Қазақстан, Атырау, Солтүстік Қазақстанның басым бөлігінде, Ақтөбенің солтүстік-батысында, Қостанайда, Павлодар облысының солтүстік жартысында нормаға жақын болады.
Қыркүйек және қазан айларында жауын-шашын Қазақстанның басым бөлігінде нормадан аз болады. Демек құрғақ болады. Қараша айында республиканың басым бөлігінде жауын-шашын климаттық нормаға жақын болады.
