Биыл Сайын көшесіндегі 4 жерасты өткелі жөнделеді
Көлік легінің шамадан тыс жүктелу проблемасын шешу мақсатында Төле би көшесін ұзарту жалғасуда Бүгінгі таңда жер учаскелерін сатып алу және инженерлік желілерді шығару жұмыстары жүргізілуде, - - деді қала әкімі Ерболат Досаев тұрғындармен кездесуде.
Береговой және Ю. Ким көшелерінің қиылысында бағдаршам кешенінің құрылысы басталды, желтоқсанда іске қосу жоспарланып отыр.
Сондай-ақ Төле би және Фуркат көшелерінің қиылысында реттелетін жаяу жүргіншілер өткелінің жобалау-сметалық құжаттамасын әзірлеу жұмыстары жүргізілуде. Сондай-ақ қазан айына дейін Сайын көшесі бойынша 4 жерасты өткелі жөнделеді.
Сонымен қатар 2024 жылдың II-ші тоқсанында 5 жер үсті өткелін күрделі жөндеу жұмыстары басталады.
