Алматының әкімі спортшыны құттықтады
Алматы қаласының әкімі Бақытжан Сағынтаев Венгрияның Будапешт қаласында өтіп жатқан дзюдодан әлем чемпионатына қатысушы алматылық Ғұсман Қырғызбаевты күміс медаль алуымен құттықтады.
Бұл туралы қала әкімі өзінің twitter-дегі парақшасында жазба жариялады, деп хабарлайды Almaty-akshamy.kz.
«60 келіге дейінгі салмақ дәрежесінде өнер көрсететін алматылық спортшы Ғұсман Қырғызбаевты Будапештте басталған дзюдодан әлем чемпионатының күміс медалімен құттықтаймын! Жеңісті бол!» - деп жазылған әкімнің парақшасында.
Естеріңізге сала кетсек, Венгрияның Будапешт қаласында өтіп жатқан дзюдодан әлем чемпионаты кеше басталды. Әлемдік дода 13 маусыға дейін жалғасады.