Алматының Ялян және Байсат базарларында пиротехникалық заттарға рейд жүргізілді
Отшашудан опық жеп қалмаңыздар!
Жетісу ауданы ТЖБ қызметкерлері Жетісу ауданы полиция басқармасы инспекторларымен бірлесе отырып ҚҰҚЫҚТӘРТІП ЖПІ аясында Алматы қаласы ПД баспасөз қызметінің қатысуымен ауданымызда орналасқан Ялян және Байсат базарларында заңсыз пиротехникалық жарылғыш заттарды сатып жатқан сатушыларға қатысты рейдтік іс-шара өткізілді, деп хабарлайды Almaty-akshamy.kz.
Алматы қаласының Төтенше жағдайлар департаментінің мәліметінше, аталған іс-шара барысында полиция қызметкерлерімен ӘҚБтК-нің 196 бабы бойынша әкімшілік хаттамалар толтырылып, заңсыз сауда тауарлары орналасқан орындар мөрленді. ТЖБ қызметкерлері түсіндірме жұмыстарын жүргізіп, брошюралар таратылды.
Отшашуларды, салюттерді, тағы да басқа пиротехникалық өнімдерді тек арнайы дүкендерден сатып алған жөн:
• Отшашулар мен салюттерді тұрғын үйлердің немесе тез жанғыш заттардың қасында 20 метрден жақын жерлерде, төмен бастырмалар мен өсіп тұрған ағаштардың астында қолдануға болмайды.
• Отшашуларды жаққан кезде білтесін бетке жақын ұстауға болмайды.
• Отшашудың білтесін созылған қол қашықтығында жағу керек.
• Ракеталар мен отшашуларды адамдарға қарай атуға болмайды.
• Отшашулар мен салюттерді қатты жел кезінде қолдануға болмайды.
• Әрбір пиротехникалық бұйымда оның қолдану әдісі туралы нұсқаулық жазылады. Сол нұсқаулықты мұқият оқып шығу үшін бір-екі минут уақытыңызды бөліңіз.
• Есте сактаңыздар. Пиротехникалық заттарды қолданған кезде кездейсоқ жағдайлардың көбісі жауапкершіліксіздіктің салдарынан болады.
• Өздеріңізді, жақындарыңыз бен айналадағы адамдардың денсаулығы мен өмірін сактаңыздар!
