Алматыда шахматтан әлем чемпионаты өтеді
Алматыда шахматтың жылдам және близ түрлерінен 2022 жылғы Әлем чемпионаты өтеді.
Бұл туралы Халықаралық шахмат федерациясының (ФИДЕ) сайтында жарияланды, деп хабарлайды Almaty-akshamy.kz.
«ФИДЕ рапид және блицтен 2022 жылғы әлем чемпионаттарының өтетін күні мен орнын растауға қуанышты.
Беделді шара Іле Алатауы бөктерінде орналасқан Қазақстанның ірі мегаполисі – Алматыда өтеді», - делінген ФИДЕ мәліметінде.
Чемпионат 25 желтоқсаннан (спортшылардың келуі және турнирдің ашылу салтанаты) 30 желтоқсанға дейін (соңғы ойын күні және жабылу салтанаты) өтеді.
«Көптеген елдер (100-ден астам) Қазақстанға визасыз режимді, сондай-ақ Визалық-миграция порталы арқылы берілетін бірреттік электронды визаны алудың жеңілдетілген тәртібін пайдалана алады», - делінген федерация ақпаратында.
