Алматыда Сарыбаевтар әулеті ұлықталды

Алматыда Сарыбаевтар әулеті ұлықталды
Суреттерді түсірген - Д.Исаев

Алматыда Сарыбаевтар әулетінің көрнекті ғылым және мәдениет қайраткерлері ұлықталды

Алматыда ҚР Ұлттық ғылым академиясының академигі, профессор Сарыбаев Шора Сарыбаевтың, қазақтың ұлттық музыкалық аспаптарын зерттеуші, Қазақ ұлттық консерваториясының профессоры Болат Сарыбаевтың және белгілі композитор және зерттеуші Талғат Сарыбаевтың құрметіне мемориалдық тақталардың салтанатты ашылуы өтті. Ескерткіш тақталар қаланың тарихи орталығында Абылай хан даңғылы, 113 мекенжайындағы үйдің қабырғасына орнатылды, мұнда Сарыбаевтар әулетінің өкілдері әр жылдары өмір сүрген.

Мемориалды тақталардың ашылу рәсіміне Алматы қаласының әкімі Ерболат Досаев, Қазақстанның Халық әртісі Роза Рымбаева, мемлекет және қоғам қайраткері, дипломат Қайрат Сарыбай, әл-Фараби атындағы ҚазҰУ ректоры Жансейіт Түймебаев, Сарыбаевтардың туыстары мен жақындары, зиялы қауым өкілдері, Алматы тұрғындары қатысты.

Қала басшысы өзінің сөзінде Шора, Болат және Талғат Сарыбаевтардың құрметіне мемориалдық тақталардың ашылуы Алматы үшін маңызды мәдени оқиға екенін атап өтті. Ерболат Досаев олардың әрқайсысының елді ғылыми, мәдени байытуға және ағартуға қосқан зор үлестерін атап өтті.

Зерттеуші ғалым Шора Сарыбаев 60 жылға жуық Ахмет Байтұрсынов атындағы Тіл білімі институтында жұмыс істеді және өзінің артында 300-ден астам іргелі жұмыстарды қалдырды. Оның бар ғұмыры ана тілін зерттеуге арналды. Шора Сарыбаев жастардың бойында патриотизм сезімін оятуға, қазақ халқының тілі мен бай мәдениетінің шексіз әлемін ашуға ұмтылды. Академиктің артында қалған мұрасы оның терең білімді, парасатты ғалым  болғанын көрсетеді. Оның еңбектерінің тақырыбы қазақ тіл білімінің лексикология, лексикография, грамматика, диалектология, тіл тарихы сияқты салаларын қамтиды. Бұдан басқа, Шора Сарыбаев Қазақстандағы библиографияның бастауында тұрды. Ғылымның дамуына қосқан үлесі үшін Шора Сарыбаев түрлі наградалармен, атақтармен марапатталды, олардың арасында «Құрмет», «Парасат» және т. б. ордендер бар.

Шора Сарыбаевтың кіші інісі Болат Сарыбаев өз өмірін терең үдерістерді зерттеуге және ғылымды дамытуға арнады. Белгілі ғалым, музыкатанушы және коллекционер ұлттық музыкалық аспаптардың бай мұрасын сақтап қалды. Оның коллекциясында төрт жүзге жуық экспонат бар. Олардың барлығы Қазақстан Республикасының Ұлттық музейінде сақтаулы.

Болат Сарыбаевтың ісін оның ұлы Талғат жалғастырды. Ол «Жетіген», «Гүлдер» және «Арай» ансамбльдерін құрды және олардың басшысы болды, онда Қазақстанның халық әртісі Роза Рымбаева жеке ән айтты. Талғат Сарыбаев керемет музыка өңдеуші ретінде халық әндерінің тұтас топтамасын жасады. Көне музыкалық аспаптарды жинап, олардың жандануына ықпал етті әрі қазақ өнеріне жаңа серпін берді. Талғат Сарыбаевтың шығармашылығы туралы «Өткен күндер», «Үйге хат», «Менің махаббатымның айлағы», «Бәрі сен үшін», «Менің досым», «Отандастар», «Сенімен біргемін», «Ескі телефон» сияқты композициялар үнемі еске түседі – олар тек Қазақстанда ғана емес, сонымен қатар шетелдерге де кеңінен танымал.

Мемориалдық тақталардың ашылуы алдында Қазақ ұлттық консерваториясында ағартушы ғалым, қазақ тілін оқыту әдістемесінің негізін қалаушы, қазақ ауызша халық шығармашылығын жинаушы, Шора мен Болат Сарыбаевтардың әкесі – Шамғали Харесұлы Сарыбаевтың туғанына 130 жыл толуына орай деректі фильм көрсетілді.