Алматыда полицейлер алты ғимаратты қоршауға алды
Қазіргі уақытта нысандар тексеріліп жатыр
Алматыда 23 ақпанда алты ғимаратқа жарылғыш зат қойылғаны туралы шұғыл байланыс желісіне хабарлама келіп түскен, деп хабарлайды Almaty-akshamy.kz Zakon.kz-ке сілтеме жасап.
Қазіргі уақытта қаланың шұғыл қызметтері жарылғыш құрылғылар туралы хабарламаларға қатысты алғашқы ден қою шаралары аясында жұмысқа кірісті.
Қазіргі уақытта нысандар тексеріліп жатыр.
Алматы ПД-да атап өткендей, аталған нысандардың бірі – Қазақстан-Британ техникалық университетін тексеру кезінде жарылғыш зат қойылғаны туралы ақпарат расталмады.
Қалған бес нысан әлі тексеріліп жатыр. Оған сапер бөлімшелері мен басқа да мамандар жұмылдырылды.
Полиция азаматтарды жүргізіліп жатқан іс-шараларға түсіністікпен қарауға және жәрдем көрсетуге шақырады.
