Алматыда ит иесін пышақ ала жүгірген бұзақыдан құтқарды
Алматыда ит пышақпен шабуылдаған ер адамнан иесін құтқарып қалды.
Әлеуметтік желіде Алматыда белгісіз біреу итімен серуендеп жүрген ер адамға пышақпен шабуыл жасағаны туралы ақпарат пайда болды, деп хабарлайды Almaty-akshamy.kz.
Алматы қалалық Полиция департаменті Алмалы аудандық полиция басқармасының ҚК-тің 316-бабы 2-бөлігімен (жануарларға қатыгездікпен қарау) қылмыстық құқық бұзушылық дерегі бойынша қылмыстық іс қозғап жатқанын мәлімдеді.
Күдікті - 1987 жылы туған Б. есімді азамат ұсталды.
«Күдікті иттің иесі екеуінің арасында туындаған жанжалдан соң, үй жануарын өзіне қарсы жібергенін және өзін қорғауға мәжбүр болғанын айтты. Оқиғаның объективті мән-жайлары қосымша тергеу барысында анықталатын болады», - деп хабарлады Алматы қалалық Полиция департаментінің баспасөз қызметі.