Алматыда доллар 480-487 теңгеден саудаланып жатыр
Доллардың ресми бағамы – 477,73 теңге.
Астана мен Алматы қалаларындағы ақша айырбастау пункттерінде доллар 480-487 теңгеден саудаланып жатыр, деп хабарлайды Almaty-akshamy.kz.
Kurs.kz деректері бойынша, Астанадағы валюта айырбастау орындарында 1 доллар 480-484 теңгеден сатылып жатыр.
Ал, Алматыда доллар бағамы 481,5-487 теңге аралығында құбылып тұр.
21 қыркүйектегі кешкі сауда қорытындысы бойынша, доллардың орташа бағамы 0,10 теңгеге қымбаттап, 477,86 теңге болған.
Ұлттық банктің 22 қыркүйектегі ресми бағамы – 1 долларға 477,73 теңге.
Дәл қазіргі уақытта Алматыдағы ақша айырбастау орындарында Ресей валютасы 7,35-7,65 теңге аралығында саудаланып жатыр.
