«Әркім өзіне жүктелген міндетті абыроймен атқарып жатыр»
Алматыда «Дауыс International» тобының экс-солисі Рано Омарова өз таңдауын жасады
Рано Омарова Достық даңғылы бойындағы №17 жалпы білім беретін мектептің учаскесінде дауыс берді. Әнші сайлау учаскесінің жұмысы мен жастардың белсенділігін ерекше атады.
«Меніңше, азаматтық жауапкершілік артып келеді, бұған сайлау учаскесіндегі сайлаушылардың көптігі дәлел», - дейді әнші.
Рано сайлау комиссиясына жұмысты ұйымдастырудағы нақтылық пен қызметкерлердің ізгі ниеті үшін алғысын білдірді.
«Кезек жоқ, бәрі түсінікті, әркім өзіне жүктелген міндетті абыроймен атқарып жатыр», – деп сөзін түйіндеді әнші.
