Алматы қаласында 2022 жылғы 20 қаңтардағы қар тазалау туралы ақпарат
19 қаңтар күні сағат 16.15-тен бастап Алматы қаласында қар жауа бастады.
20 қаңтар сағат 07.00-дегі жағдай бойынша, таулы аудандарда 20 см-ге дейін, қалада 6-8 см қар жауды, деп хабарлайды Almaty-akshamy.kz
Көктайғақ құбылыстарының алдын алу мақсатында қар жауа салысымен, жолдарға көктайғаққа қарсы материалдар себіледі. 2077 тонна пайдаланылды.
Таулы және тау бөктеріндегі жерлерде қар күреу жүргізіледі. Тротуарларды, жаяу жүргіншілер аймақтарын, қоғамдық көлік аялдамаларын, көпшілік пайдаланатын орындарды тазалау бойынша жұмыстар ұйымдастырылды.
Түнгі уақытта 208 құмшашқыш және 338 жол жұмысшысы шығып, барлығы 535 бірлікті құрады. Таңертең 562 арнайы техника бірлігі, 160 құмшашқыш және 1493 жол жұмысшысы жұмылдырылды.
Аудан әкімдіктері мен қала әкімдігінде қар тазалау жұмыстарының өндірісін бақылау бойынша тәулік бойы кезекшілік ұйымдастырылды.
"Қазгидрометтің" болжамы бойынша аралас жауын-шашын түске таман аяқталады деп күтілуде. Ауа бүгін 20 қаңтар күндіз +1, +3.
