18 қаңтарға арналған ауа райы болжамы
Алматыда көшпелі бұлт шығады, жауын-шашынсыз.
Синоптиктер 18 қаңтарға арналған ауа райы болжамын ұсынды, деп хабарлайды Almaty-akshamy.kz.
"Қазгидромет" РМК мәліметінше, еліміздің бүкіл аумағы ауқымды антициклонның ықпалында, соған байланысты ауа райы жауын-шашынсыз болады. Тек республиканың шығысында атмосфералық фронтальды бөліктердің өтуімен аздаған қар жауады, боран соғады. Республиканың оңтүстігінде жел күшейіп, тұман түседі.
Солтүстікте, шығыста, Жетісу мен Алматы облыстарының таулы аймақтарында түнде 25-26 градус аяз сақталады.
Астанада көшпелі бұлт шығады, жауын-шашынсыз. Батыстан, оңтүстік-батыстан екпіні 2-7 м/с жел соғады. Ауа температурасы түнде - 22-24°С, күндіз -13-15°С.
Алматыда көшпелі бұлт шығады, жауын-шашынсыз. Желдің екпіні - 0-5 м/с. Ауа температурасы түнде -15-17°С, күндіз -5-7°С.
Шымкентте де көшпелі бұлт шығады, жауын-шашынсыз. Шығыстан соғатын желдің екпіні - 3-8 м/с. Ауа температурасы түнде -13-15°С, күндіз -1+1°С.
