Қазақстанның бас санитар дәрігері Ерлан Қиясов жаңа қаулыға қол қойды

2 тамыздан бастап шектеу шаралары күшейтілетін болды.

Қазақстанның бас санитар дәрігері Ерлан Қиясовтың  жаңа қаулысында  коронавирус матрицасының «қою қызыл» аймағы пайда болды. Осы «қою қызыл» аймаққа кірген облыстарда 2 тамыздан бастап шектеу шаралары күшейтіледі, деп хабарлайды Almaty-akshamy.kz.

Ресми құжатқа сәйкес, Нұр-Сұлтан, Алматы, Шымкент, Атырау және Қарағанды қалаларында 2 тамыздан бастап:

1) орталық мемлекеттік органдарды, әкімдіктерді, құқық қорғау органдарын, денсаулық сақтау ұйымдарын, БАҚ-ты, азық-түлік дүкендерін, дәріханаларды және тіршілікті қамтамасыз ету ұйымдарын, сондай-ақ осы тармақтың 4-тармақшасында көрсетілген ұйымдарды қоспағанда, меншік нысандарына қарамастан, Ashyq-қа қатыспайтын барлық кәсіпорындар мен ұйымдардың қызметін уақытша тоқтатылады;

2) ойын-сауық, спорттық және басқа да бұқаралық іс-шараларды, сондай-ақ отбасылық, естелік іс-шараларды өткізуге тыйым салынады;

3) мемлекеттік органдардың (ұйымдардың), кеңселердің, ұлттық компаниялардың және өзге де ұйымдардың қызметкерлерінің (вакцинацияланған және соңғы 3 ай ішінде ауырып сауыққан адамдарды қоспағанда) 80%-ы қашықтан жұмыс істейді.