Зорлық-зомбылықтың жазасы қатты болмақ
Енді педофилдер өмір бойына бас бостандығынан айырылуы мүмкін.
Мәжіліс депутаттары бұл туралы жаңа заң жобасын әзірледі, деп хабарлайды Almaty-akshamy.kz
Парламент мәжілісі "Қазақстанның кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы" заң жобасын қарайды.
Мәжілісмен, әлеуметтік-мәдени даму комитетінің төрағасы Асхат Аймағамбетовтің айтуынша, заң жобасы мәжіліс депутаттарының бастамасымен әзірленген. Құжат отбасындағы зорлық-зомбылық үшін жауапкершілікті қатаңдату туралы президенттің тапсырмасына толығымен сәйкес келеді.
Заң жобасында депутаттар бірнеше негізгі норма ұсынып отыр:
ұрып-соғуды және денсаулыққа жеңіл зиян келтіруді қазіргі әкімшілік жауапкершіліктен қылмыстық жауапкершілікке жатқызу, жазасын әлдеқайда қатаңдату;
жәбірленушінің өтінішін күтпей-ақ, зорлық-зомбылық туралы БАҚ немесе онлайн платформалардағы ақпарат негізінде тісті шаралар қабылдау құқығын беру;
отбасында зорлық-зомбылық жасаған адамдардың агрессивті мінез-құлқын өзгерту үшін сотқа психологиялық көмек көрсетуді міндеттеу өкілеттігін беру;
педофилдерді өмір бойына бас бостандығынан айыру;
суицидты насихаттағаны немесе суицидке итермелегені үшін қылмыстық жауапкершілік енгізу;
балаларға арналған интернат ұйымдарына алдын-ала ескертусіз кез-келген уақытта бару және тексеру.
Әлеуметтік-мәдени даму комитеті заң жобасы бойынша қорытынды әзірлеуге дайын.
