Жаңбыр жауып, найзағай ойнайды
12 қыркүйек күні белсенді циклон мен онымен байланысты фронталды бөліктердің салдарынан елдің басым бөлігінде жаңбыр жауып, найзағай ойнайды.
Елдің орталығында, солтүстігінде, солтүстік-батысында, шығысы мен оңтүстік-шығысында қатты жаңбыр мен бұршақ күтіледі. Республиканың оңтүстік-шығысындағы таулы аудандарда жаңбыр мен қар түрінде қатты жауын-шашын күтіледі. Барлық өңірде екпінді жел тұрады, солтүстікте, солтүстік-батыста – тұман, оңтүстікте шаңды дауыл болжанады, деп хабарлайды Almaty-akshamy.kz Қазгидрометке сілтеме жасап.
Жамбыл, Қызылорда, Атырау, Ұлытау, Батыс Қазақстан, Павлодар, Қарағанды және Түркістан облыстарында өрт тұтану қаупі бар.
