Визасыз режим: Қазақстанға қай елдің азаматтары еркін кіре алады?
Қазақстандықтар әлемнің бірқатар еліне визасыз бара алады. Сол сияқты шетелдік азаматтар да елімізге визасыз кіре алады. Олардың қатарында жақын және алыс шетелдің азаматтары бар, -деп хабарлайды Almaty-akshamy.kz. BAQ.KZ-ке сілтеме жасап.
Төменде келтірілген деректерді WPK кеңесшілері 2023 жылдың наурыз айындағы ережелер негізінде дайындаған.
Қазақстан Республикасына келу үшін шетелдік азаматтарға сапардың мақсатына және болу мерзіміне байланысты виза талап етіледі.
Қазақстандық виза санаттары:
- Іскерлік виза
- Жұмыс визасы
- Отбасылық виза
- Жеке виза
- Туристік виза
- Инвестор визасы
- Іскерлік иммиграциялық виза
- Тұруға рұқсат алу үшін виза
Қазақстан өзара визасыз сапарлар туралы екіжақты келісімдер жасасқан елдердің азаматтарына виза талап етілмейді. Мысалы, Ресеймен немесе Әзірбайжанмен.
Жақын шетел:
| Азаматтығы | ҚР-ға кіру | Болу мерзімі |
| Әзербайжан | визасыз | 90 күнге дейін немесе уақытша тұруға рұқсаттың мерзімі |
| Армения | визасыз | 90 күнге дейін немесе уақытша тұруға рұқсаттың мерзімі |
| Беларусь | визасыз | 90 күнге дейін немесе уақытша тұруға рұқсаттың мерзімі |
| Грузия | визасыз | 90 күнге дейін немесе уақытша тұруға рұқсаттың мерзімі |
| Қырғызстан | визасыз | 90 күнге дейін немесе уақытша тұруға рұқсаттың мерзімі |
| Молдова | визасыз | 90 күнге дейін немесе уақытша тұруға рұқсаттың мерзімі |
| Ресей | визасыз | 90 күнге дейін немесе уақытша тұруға рұқсаттың мерзімі |
| Тәжікстан | визасыз | 90 күнге дейін немесе уақытша тұруға рұқсаттың мерзімі |
| Түркіменстан | виза | виза мерзімі |
| Өзбекстан | визасыз | 30 күнге дейін немесе уақытша тұруға рұқсаттың мерзімі |
| Украина | визасыз | 180 күн ішінде 90 күнге дейін немесе виза мерзімі |
Алыс шетел:
Бұл елдер азаматтарының келу және болу тәртібі екіжақты келісімдермен анықталады.
| Азаматтығы | ҚР-ға кіру | Болу мерзімі |
| Андорра | визасыз | 30 күнге дейін немесе виза мерзімі |
| Аргентина | визасыз | бір жыл ішінде 30 күнге дейін немесе виза мерзімі |
| Бразилия | визасыз | бір жыл ішінде 30 күнге дейін немесе виза мерзімі |
| Гонконг | визасыз | 14 күнге дейін немесе виза мерзімі |
| Мальдивы | визасыз | 30 күнге дейін немесе виза мерзімі |
| Моңғолия | визасыз | 90 күнге дейін немесе виза мерзімі |
| БАӘ | визасыз | 30 күнге дейін немесе виза мерзімі |
| Сербия | визасыз | 30 күнге дейін немесе виза мерзімі |
| Түркия | визасыз | 30 күнге дейін немесе виза мерзімі |
| Эквадор | визасыз | әр 180 күндік кезең ішінде 30 күнге дейін немесе виза мерзімі |
| Оңтүстік Корея | визасыз | 30 күнге дейін, бірақ әрбір 180 күндік кезең ішінде 60 күнтізбелік күннен артық емес немесе визаның ұзақтығы |
ВИЗАСЫЗ РЕЖИМ
2022 жылдың қаңтарында Қазақстан 54 елдің азаматтары үшін визасыз режимді қалпына келтірді.
| Австралия | Ирландия | Мальта | АҚШ |
| Австрия | Исландия | Мексика | Таиланд |
| Бахрейн | Испания | Монако | Филиппин |
| Бельгия | Италия | Нидерланды | Финляндия |
| Болгария | Канада | Жаңа Зеландия | Франция |
| Ватикан | Катар | Норвегия | Хорватия |
| Ұлыбритания | Кипр | Оман | Чехия |
| Венгрия | Колумбия | Польша | Чили |
| Вьетнам | Кувейт | Португалия | Швейцария |
| Германия | Латвия | Румыния | Швеция |
| Греция | Литва | Сауд Арабиясы | Эстония |
| Дания | Лихтенштейн | Сингапур | Жапония |
| Израиль | Люксембург | Словакия | |
| Индонезия | Малайзия | Словения |
54 елдің азаматтары Қазақстанда әр келген сайын 30 күнге дейін визасыз бола алады. Сапарлар саны шектеусіз. Алайда, мұндай сапарлар бойынша жиынтық мерзім 180 күндік кезең ішінде 90 күннен аспауы керек.
Визасыз режим бойынша шетел азаматтары Қазақстанға туристік, жеке және қысқа мерзімді іскерлік мақсатта келе алады. Іссапарларға кездесулер мен келіссөздер, шарттар жасасу, сондай-ақ конференциялар мен форумдарға қатысу болуы мүмкін.
Визасыз сапарлар шеңберінде шетелдіктерге Қазақстан Республикасының аумағында еңбек немесе өзге де ақылы қызметпен айналысуға тыйым салынады. Сондай-ақ кез келген монтаждау және жөндеу жұмыстарына, консультациялық және аудиторлық қызметтерге, оқу сабақтарына тыйым салынады. Мұндай мақсаттар үшін виза қажет.
Визасыз режим - 14 күн
2022 жылы Қазақстан Үндістан, Иран және Қытай азаматтары үшін визасыз режим ашты. Бұл елдердің азаматтары үшін визасыз режим біржақты тәртіпте жұмыс істейді.
Жаңа ережеге сәйкес, Үндістан, Иран және Қытай азаматтары Қазақстанға іскерлік, жеке және туристік мақсатпен шекарадан өткен сәттен бастап күнтізбелік 14 күнге дейін визасыз кіре алады.
Қазақстан-Қытай: Екіжақты визасыз режим енгізіледі
Қазақстан азаматтары мемлекеттік шекарадан өткен соң Қытай аумағында 30 күнге дейін визасыз бола алады. Мұндай жеңілдікті құжатқа қол қойылғаннан кейін Қытай азаматтары да пайдалана алады.
Яғни туристер шекарадан өткен сәттен бастап 30 күннен және 180 күндік кезеңде 90 күннен аспайтын мерзімде бола алады.
Егер осы елдердің бірінің азаматтары екінші тарап мемлекетінің аумағында көзделген мерзімнен ұзағырақ қалуға ниет білдірсе, онда олар мемлекет аумағына кіргенге дейін тиісті визаға жүгінуге тиіс.
Қазақстандықтар үшін жарамды жол жүру құжаттары:
- ҚР азаматтының төлқұжаты;
- ҚР аумағына қайту туралы куәлік.
Қытай азаматтары үшін:
- ҚХР азаматының жартылай қызметтік төлқұжаты;
- ҚХР азаматының төлқұжаты;
- уақытша жол жүру құжаты.
Келісімге осы айда қол қойылса, екіжақты визасыз режим күшіне енеді.
Тағы 26 елмен визасыз режим енгізілуі мүмкін
Қазақстан 26 елмен өзара визасыз режим енгізу туралы келіссөз жүргізіп жатыр. Олардың қатарында Австрия, Сауд Арабиясы, Сан-Марино, Бахрейн және басқалары бар.
Шетелдік саяхатшылардың Қазақстанға қызығушылығы жоғары. Сол себепті біз еліміздің туристік әлеуетін толық ашу үшін жүйелі түрде жұмыс істеп жатырмыз. Оның ішінде келуші туристер ағынын ұлғайту мақсатындағы іс-шаралар бар. Сонымен қатар, біз көші-қонды бақылауды жақсартуға мүмкіндік беретін тетіктерді іске асырып отырмыз. Соның бірі eQonaq ақпараттық жүйесі, - деді Мәдениет және спорт министрлігінің ресми өкілі Мөлдір Әбдуалиева.
