VII сайланым Алматы қаласы мәслихатының Х сессиясы өтті
Бүгін Алматы қаласының әкімдігі мегаполистің негізгі салаларын дамытуға бағытталатын 37,2 млрд. теңге сомасындағы қалалық бюджетті нақтылау мәселесін мәслихат сессиясының қарауына ұсынды.
Оның ішінде, қоғамдық көлікті дамыту және қолдау тұрғысынан 150-ге жуық автобус сатып алынады, деп хабарлайды Almaty-akshamy.kz
Сумен және кәріз желілерімен қамтамасыз етуге қатысты Шаңырақ-1, Ерменсай ш.а. су құбыры мен кәріздің тарату желілерін салуға қаражат бөлінетін болады.
Электр.мен жабдықтау және жарықтандыру бойынша «Алмагүл» шағын ауданында ПС-110/10-10 кВ орнату жоспарланған.
Әлеуметтік нысандарға қатысты, Самал-2 шағын ауданда №114 және 116 балабақшаларда қайта құруға қаражат бөлінді.
Сондай-ақ, әлеуметтік объектілерде инженерлік желілер салынатын болады, оның ішінде:
- «Кемел» шағын аудандағы медпунктерге арналған желілер мен абаттандыру.
- №6, 132, 117 мектептерге жапсарлас құрылыстарға арналған инженерлік желілер.
- «Ақбұлақ» ш.а. абаттандыру және көгалдандыру.
- «Нұркент» ш.а. жол құрылысы.