Отандық дзюдошы жасөспірімдер Еуропа кубогінде жүлделі орындардан көрінді
Дзюдодан жасөспірімдер арасында өтіп жатқан Еуропа кубогінде отандастарымыз жүлделі орындарға ие болды.
Бұл туралы Маңғыстау облысы спорт басқармасының баспасөз қызметі мәлімдеді, деп хабарлайды Almaty-akshamy.kz.
Грузияда өтіп жатқан Еуропа кубогіне 16 елден 300-ден астам спортшы қатысып, бақ сынасқан.
Дзюдошы Гүлдана Теңелбаева +70 салмақ дәрежесінде бақ сынап, күміс жүлдегер атанды. Спортшы қырғызстандық қарсыласына есе жіберіп алған.
Сондай-ақ 60 келіде белдескен Қанат Нұргелді Еуропа кубогінің қола жүлдегері атанды.
